KAHIT ipalalabas pa lang sa September 2 ang Kimmy Dora na pinagbibidahan ni Eugene Domingo na prinodyus ng Spring Films na binubuo nina Piolo Pascual, Joyce Bernal, Shayne Sarte at Erick Raymundo, meron na agad itong follow-up movie.Ayon kay Direk Joyce, ke kumita o hindi ang Kimmy Dora, bibigyan nila ng kasunod na pelikula si Eugene. Ganu’n daw kalaki ang tiwala ni Piolo sa komedyante.“Tatlong producers na ang nag-offer noon kay Eugene para magbida, kaya lang hindi niya ’yon tinanggap. We’re happy na kami ang nagbigay sa kanya ng launching movie niya,” wika ni Piolo.Napanood na ni Piolo ang ilang bahagi ng pelikula at bilang audience, alam niyang magkiklik ito sa mga manonood.“Nakakatawa ’yung movie namin. Alam kong mag-i-enjoy ang lahat ng manonood nito, promise! Hindi masasayang ang ibabayad nila,” paninigurado pa ni Piolo.
No comments:
Post a Comment
We have a freedom of speech and expressions but be responsible for it! Comments with foul and offensive language are not allowed here. The blogger/moderator reserves the right to delete inappropriate comments.Thank you!