TJ Trinidad, Hinangaan ng Press Sa Galing Ng Akting

Hindi kontrabida ang role ni TJ Trinidad sa Stairway To Heaven. Maganda ang kanyang role dahil siya ang mag-aalaga at magmamahal sa karakter ni Rhian Ramos sa bagong primetime TV show ng GMA 7.


Ang Stairway To Heaven ang adaptation ng sikat na Koreanovela na sinubaybayan noon ng mga Pilipino. Ayon sa isang masugid na fan ng Korean version, masuwerte si TJ dahil siya ang napili para gumanap sa role ni Tristan/Charlie. Challenging at sympathetic daw ang role ni TJ doon.


Sa presscon ng Stairway To Heaven noong Lunes, humanga kay TJ ang entertainment press dahil sa akting na kanyang ipinakita bilang Tristan.

Live na napanood ng press people ang mga mahahalagang eksena na dapat abangan sa Stairway To Heaven.