70's All Male Group, Magbabalik Concierto

Muling nagbabalik sa concert scene ang mga sumikat nating all-male group noong 70s na VST & Co, Hagibis, Hotdogs at Boyfriends.Magsasasama ang mga nabanggit sa isang concert titled Yeba 2 Dance Concert na gaganapin sa September 11 sa NBC Tent sa The Fort.Sa presscon para sa nasabing concert held a few days ago ay nakausap namin ang isa sa miyembro ng VST and Co. na si Monet Gaskell at nanghihinayang siya na hindi na kumpleto ang grupo nila at apat na lang silang miyembrong makakasama sa concert.Isa sa members ng VST & Co si Vic Sotto na hindi nakasama sa Yeba 2 Dance Concert. Ayon kay Monet ay naiintindihan naman daw niya ang dating ka-miyembro dahil super-busy ito ngayon.Ang iba naman daw miyembro ay may iba na ring ginagawa tulad ni Spanky Rigor na nasa States na. Ang kapatid nitong si Snaffu na lang ang makakasama sa concert.Kakantahin ng VST & Co ang mga nag-hit nilang kanta tulad ng Awitin Mo at Isasayaw Ko, Rock Baby Rock, Sumayaw Sumunod, Ipagtawad Mo at marami pang iba.Ganundin ang Hotdogs na kakantahin naman ang classic hit songs nilang Manila, Bongga Ka Day, Annie Batungbakal, Pers Lab at marami pang iba.Hindi naman siyempre patatalbog ang Boyfriends na aawitin din ang mga sumikat nilang kanta kabilang na ang Dahil Mahal Kita, ganundin ang Hagibis with their very popular Katawan, Legs, Legs, Legs, Nanggigiil Kami at marami pang iba.Kasama rin sa concert ang Area One at Ramon “RJ” Jacinto & Friends.