Ang “Miracle Boy” na si Zaijian Jaranilla (Santino of May Bukas Pa) ay magdiriwang ng ika-walong kaarawan sa Aug. 23 at isang bonggang regalo ang ibibigay sa kanya ng Kapamilya network.
Tutuparin lang naman ng ABS-CBN ang isa sa mga kahiligan ni Santino na makapunta sa Disneyland. Aalis ang bagets sa Aug. 21, Friday, at doon na siya magdiriwang ng kaarawan.
“Excited na po ako. Matagal ko na po kasing gusto makapunta ng Disneyland. Nakikita ko po ’yon sa TV at parang ang saya po roon,” say ni Zaijian.
“Gusto ko pong mag-thank you sa ABS-CBN, kasi ibibigay po nila ’yung isa sa mga birthday wish ko,” sabi pa ng Miracle Boy.
Bukod sa trip sa Disneyland, naghanda rin ang ABS-CBN ng children’s party sa August 29. Limampung mapapalad na batang paslit ang makikisaya kasama si Zaijian.
Katulong ang ABS-CBN Interactive at 101.9 For Life, isang text promo ang ilulunsad kung saan ang mga sasali sa promo ay magkakaroon ng pagkakataon na makasama si Santino.
No comments:
Post a Comment
We have a freedom of speech and expressions but be responsible for it! Comments with foul and offensive language are not allowed here. The blogger/moderator reserves the right to delete inappropriate comments.Thank you!