Judy at Ogie, Todo-todo ang Pagpromote ng "Oh My Girl"

Dadayo sina Judy Ann Santos at Ogie Alcasid sa Market! Market! bukas para i-promote ang Oh, My Girl!, ang movie na magsisimula ng anniversary presentation ng Regal Entertainment.

Nakita namin si Direk Dante Garcia sa CCP last Thursday at nabanggit na tapos na ang movie.

Sa Lunes, July 27, ang red-carpet premiere nito, 7 p.m., sa Trinoma, bago ang regular showing sa July 29.

Tiyak na magniningning ang Trinoma sa rami ng dadalo para makisaya at manood sa unang pelikula nina Ogie at Judy Ann.

Dadalo sina Roderick Paulate, Manilyn Reynes, Carmi Martin at iba pang cast ng movie. Hopefully, pati na ang mga nag-cameo na sina Regine Velasquez, Michael V, Wendell Ramos, Mel Martinez, Bembol Roco at Sharon Cuneta.